Botuesi Nikoll Lesi në një koment të botuar në Koha Jonë ka reaguar aktet e dhunës ndaj protestuesve në sheshin Skënderbej.
Lesi shkruan se data 9 maj do të mbahet mend gjatë në historinë politike të Shqipërisë, duke shtuar se dje, kryeministri Rama ka vulosur fillimin e rrëzimit të pushtetit rilindas.
“Rilindja kishte marrë me kohë të çara të mëdha në “muret” e pushtetit arrogant dhe të akuzuar për korrupsion. Dje me dhunën e ushtruar ndaj një grupi aktivistësh dhe intelektualësh, të cilët nuk donin asgjë me shumë se sa t’ju dëgjohej fjala, zëri dhe shpirti i tyre për Teatrin Kombëtar,por morën tërheqjen zvarrë në sheshin “Skënderbej”.
Dje thjesht nuk pati gjak si me 26 maj 1996, por mjaftoi dhuna live ndaj zërit ndryshe të artistëve dhe qytetarëve.
Nuk ishte policia autore e dhunës, ajo thjesht zbatoi udhërin e kryeministrit.
Dhe kryeministri nuk ka zgjidhje tjetër, veçse ose të jap dorëheqjen për aktin e djeshëm dhe të hyjë në analet e historisë si një njeri që bëri autokritikë publike dhe iku. Ose të shkarkojë krejt piramidën e Ministrisë së Brendshme”, shkruan Lesi.
Komenti nga Nikoll Lesi
Data 9 maj 2020 do të mbahet mend gjatë në historinë politike të Shqipërisë. Siç mbahet mend edhe 26 maji 1996, kur PD-ja në pushtet shënoi fillimin e rrëzimit të pushtetit të saj. Edhe asokohe pushteti dhe lidershipi i saj nuk donin ta ndjenin rënien, varrin që i bën vetes dhe demokracisë me masakrën në sheshin ‘Skënderbej”.
Por ia bënë vetes, edhe popullit, por populli filloi ngritjen në protesta. Dhe i rrëzoi!
Edhe dje, me 9 maj, kryeministri Rama ka vulosur fillimin e rrëzimit të pushtetit rilindas.
Rilindja kishte marrë me kohë të çara të mëdha në “muret” e pushtetit arrogant dhe të akuzuar për korrupsion. Dje me dhunën e ushtruar ndaj një grupi aktivistësh dhe intelektualësh, të cilët nuk donin asgjë me shumë se sa t’ju dëgjohej fjala, zëri dhe shpirti i tyre për Teatrin Kombëtar,por morën tërheqjen zvarrë në sheshin “Skënderbej”.
Dje thjesht nuk pati gjak si me 26 maj 1996, por mjaftoi dhuna live ndaj zërit ndryshe të artistëve dhe qytetarëve.
Nuk ishte policia autore e dhunës, ajo thjesht zbatoi udhërin e kryeministrit.
Dhe kryeministri nuk ka zgjidhje tjetër, veçse ose të jap dorëheqjen për aktin e djeshëm dhe të hyjë në analet e historisë si një njeri që bëri autokritikë publike dhe iku. Ose të shkarkojë krejt piramidën e Ministrisë së Brendshme.
Nëse Edi Rama gjen forca të dalë para popullit e të kërkojë falje publike për dhunën e djeshme, edhe mund të rigjejë veten e vitit 1996, kur akuzonte Presidetin Berisha për dhunën e 26 majit 1996.
Por PUSHTETI i tepërt, arrogant dhe korruptiv të errëson arësyen, shikimin dhe të çon të i njëjti fat që pësoi pushteti i PD pas 26 majit 1996.
