Ish-deputeti demokrat, Genc Pollo, ka apeluar për fokusimin e vëmendjes te 15 kushtet që Shqipëria duhet të plotësojë në kuadrin e integrimit të BE dhe jo t’i shtohen kushte të tjera.
Reagimi i Pollos ka ardhur në një kohë kur Qeveria ia kaloi truallin e Teatrit Kombëtar, Bashkisë së Tiranës, e cila nën drejtimin e Erion Veliajt i qëndron idesë fillestare për shembjen e godinës aktuale dhe ndërtimin e një tjetër godine, me paratë e taksapaguesve shqiptarë.
“Një hap tjetër i dobishëm nga @EUinAlbania do të ishte një pozicionim më i qartë mbi #TeatrinKombetar.
Komisioneri @OliverVarhelyi me të drejtë tenton të restaurojë kredibilitetin e procesit të zgjerimit të #BE
Duhet të fokusohemi tek #15Kushtet Nuk na nevojiten kushte të tjera!”, shkruan Pollo në rrjetet sociale.
Vendimi i Qeverisë është kundërshtuar nga opozita, e cila e konsideroi si një tentativë për të grabitur truallin në kohë pandemie. Ndërsa Presidenti Meta paralajmëroi se do të çonte në Kushtetuese, atë që e konsideroi si një procedurë ekstra ligjore.
