Paris Saint-Germain, gjatë merkatos së janarit ishte pranë shërbimeve të mbrojtësit të Juventusit, Mattia De Sciglio, por gjithçka dështoi në momentet e fundit.
Së fundmi, “Tuttosport”, raporton se skuadra franceze nuk ka hequr dorë nga shërbimet e mbrojtësit të bardhezinjve, pasi për 27-vjeçarin është interesuar vetë drejtori sportiv i skuadrës franceze, Leonardo.
De Sciglio ka vuajtur për të gjetur hapësira me Maurizio Sarri, duke u paraqitur vetëm 12 herë deri më tani këtë sezon, kështu që mund ta konsideroi një largim nga kampionët e Italisë veçanërisht nëse PSG i ofron një rol prej protagonisti. Kontrata e tij aktuale me Juventusin skadon në qershor të vitit 2022.
