SHBA-ja regjistroi 1 015 të vdekur me COVID në 24 orët e fundit, bilanci më i ulët në një muaj, sipas të dhënave të Universitetit Johns Hopkins.
Kjo shifër e çon në 68 689 të vdekur bilancin total të epidemisë në SHBA, vendi më i prekur nga COVID-19 në botë, sipas shifrave zyrtare.
Bilancet ditore në SHBA nuk kanë kaluar nën pragun prej 1 000 të vdekur që prej fillimit të muajit prill.
Administrata e presidenti amerikan, Donald Trump parashikon një dyfishim të numrit të të vdekurve ditor si pasojë e pandemisë së koronavirusit deri më 1 qershor, sipas një dokumenti të brendshëm të raportuar nga “New York Times” dhe “Washington Post”.
SHBA-ja regjistron gjithashtu numrin më të madh të personave të diagnostikuar të sëmurë me COVID-19, me rreth 1,2 milionë raste të regjistruara zyrtarisht.
