Ndihmoi Italinë për koronavirusin, Rusia i kërkon heqjen e sanskioneve

Gazeta italiane Linkiesta shkruante sot kryetari i Komitetit të Marrdhënieve me Jashtë të Senatit, Vito Petrocelli, i Lëvizjes 5 Yjet, ka marrë një letër nga homologu i tij në parlamentin rus Duma, Leonid Slutsky. Ky i fundit i kërkon ndihmë për heqjen e sanksioneve ekonomike ndaj Rusisë.

Madja gazeta shkruan se Moska ka dërguar edhe një faturë për ndihmën e dërguar, përfshi dhe atë ushtarake.

Sipas saj, në letër Slutsky thekson ndihmën e Rusisë për Italinë në luftën kundër koronavirusit, dhe i kërkon Qeverisë italiane të bëjë presion mbi vendet evropiane që Brukseli të heqë sanksionet e vendosura kundër Moskës në lidhje me çështjen e Ukrainës.

LEXO EDHE  Mungesë të fuqisë punëtore/ Italia do të hapë kufijtë për 80 mijë emigrantë të rinj, kuotë dhe për Shqipërinë

“Vendet perëndimore që e quajnë veten demokratike, kanë vendosur disa tipe sanksionesh ndaj rreth një të tetës së popullatës së botës dhe nuk kanë në plan t’i zbusin ato as edhe gjatë pandemisë së koronavirusit … Unë i bëj thirrje të gjithë politikanëve të heqin dorë nga politika destruktive e sanksioneve,” shkruan Slutsky.