Presidenti Ilir Meta dhe ish-Kryeministri Sali Berisha janë shfaqur duke drekuar së bashku? Foto është publikuar në rrjetet sociale nga gazetari Çim Peka. Në fakt ajo është një foto e pothuajse një viti më parë dhe duket se gazetari e ka rikthyer në qendër të vëmendjes.
Dy politikanët, që nuk kanë fshehur dobësitë për njëri-tjetrin, pavarësisht përplasjeve që kanë pasur dhe akuzave të ndërsjellëta, shihen teksa bëjnë një foto selfie së bashku, në një takim miqësor.
Berisha ka bërë thirrje për protesta kundër Qeverisë deri në rrezimin e saj, ndërsa Meta në 2 mars deklaroi nisjen e një revolucioni për përmbysjen e autorëve të grushtit të shtetit, sikundër u shpreh ai.
Meta prej disa ditësh ka nisur një tur në zona të ndryshme të vendit, duke promovuar bukuritë natyrore, ndërsa Kryeministri Rama ka zgjedhur të shkojë në Fier dhe Vlorë duke promovuar disa projekte.
