Ish-ministri i Drejtësisë, Ylli Manjani, ka ironizuar vendimin për mbylljen e shkollave,ndërsa ka bërë një krahasim me situatën në vitet 1990-1991, kohë kur në Shqipëri nisi lëvizja për përmbysjen e diktaturës.
Manjani shkruan se të njëjtat shenja brenda një cikli politik nga monizmi në monizëm.
“Në semestrin e dytë i vitit shkollor 1990-1991 shkollat u mbyllën. Qeveria moniste e kohës vendosi të mbyllte shkollat sepse nuk përballonte dot më protestat. Na thirrën në qershor sa për të dhënë provime.
Pas 29 vitesh, fiks në semestrin e dytë të vitit shkollor 2019-2020 shkollat u mbyllën. Përsëri vendimin e merr qeveria moniste”, shkruan Manjani.
Sipas tij, monizmi është në fund kur mbyll shkollat.
Reagimi i ish-ministrit të Drejtësisë ka ardhur pasi ministrja e Arsimit, Besa Shahini, deklaroi mbylljen e shkollave, përveç maturantëve që do i rikthehen bankave të shkollës me kushte strikte për vetën 3 javë.
