Në fillim të muajit prill, për shkak të problemeve financiare, Standard Liege-it iu refuzua licenca profesionale nga Federata Belge. Pa këtë licencë, klubi dhjetë herë kampion do të transferohej në divizionet amatore.
Duke parë këtë situatë, klubi i ka kërkuar zyrtarisht ish-lojtarit të tyre, Marouane Fellaini, të investojë para dhe të ndihmojë klubin.
Kështu Fellaini do të huazojë ish-klubit të tij tre milion euro për t’i ndihmuar ata gjatë krizës së madhe që ka kapluar skuadrën.
Tanimë, Standard Liege, i është drejtuar Gjykatës Belgjike të Arbitrazhit Sportiv (CBAS) dhe pritet të marrë përsëri licencën falë ndihmës së Fellaini dhe investitorëve të tjerë, – raportojnë mediat vendase.
