Kryeministri Edi Rama i është përgjigjur sot shqetësimeve të disa qytetarëve lidhur me masat kufizuese të vendosura nga Qeveria për parandalimin e përhapjes së koronavirusit.
Rama u shpreh i prerë se kopshtet e çerdhet nuk do hapen edhe disa javë, duke e cilvsuar këtë si një vendim të ekspertëve.
“Për kopshtet në tërësi përgjigja e ekspertëve është jo, do shikojmë në javët në vijim”, tha Rama, duke iu përgjigjur një qytetareje.
Ndërkohë i pyetur sepse Durrësi nuk futet në zonat e gjelbërta, Kryeministri tha se Durrësi është me rrezik të madh për infeksionin komunitar që të merr shpirtin, lirinë e punës e të veprimit duhet ta mendojmë mirë hap pas hapi e unë duhet të ndjek me rigorozitet këshillat e ekspertëve.
Një tjetër qytetar e pyeti Ramën lidhur me dasmat dhe muzikantët, që janë prekur si rezultat i masave të qeverisë, ndërsa Kryeministri tha “e besoj, edhe unë kam punë krahu por s’më duhen dasmorë kur zhgaravis, por ç’të të them përvecse të bësh durim e të shpresojmë që herët a vonë do lirohet.
Edhe sa i përket çështjes së dasmave edhe pse në disa vende e kanë liruar me jo më shumë se 10 persona, këtë do e shikojmë në proces”.
Kryeministri njoftoi lehtësime edhe për lëvizjen e taksive me vetëm një person brenda nga qyteti në qytet.
“Jemi duke e parë, do jetë një nga masat e shpejta që do merren, nuk e di javën tjetër apo pas 10 ditësh”, tha Rama.
