Policia italiane arrestoi një 21 vjeçar shqiptar banues në Fano, i dyshuar për shitje të lëndëve narkotike. Policia i gjeti dhe sekuestroi në automjet 170 gram kokainë, gjatë një kontrolli të ushtruar që synonte zbatimin e masave të qarkullimit në kuadër të mospërhapjes së koronavirusit.
Sipas mediave italiane, 21 vjeçari po qarkullonte me një Fiat Punto, ndërsa arsyetimet e paqarta lidhur me arsyet e lëvizjes së tij, por edhe humbja e qetësisë gjatë komunikimit, shtuan dyshimet e policisë, që vendosën ti kontrollojnë automjetin.
Si rezultat i kontrollit, policia gjeti 3 mbështjellës që përmbanin tre doza kokainë ende të pa prerë, me peshë mbi 50 gramë secila, për një peshë totale mbi 170 gramë, e mbështjellë mirë me shirit izolues të zi.
Analizat për cilësinë e drogës do të kryhen për të vendosur gjendjen e pastërtisë së substancës, por mendohet se ajo kushton në treg, duke u shitur me doza, rreth 20,000 euro.
I riu shqiptar është dërguan në burgun e Villa Fastiggi.
