Të dhënat e universitetit John Hopkins tregojnë se numri i vdekjeve nga Covid-19, në të gjithë Botën, ka shkuar në 203299 persona, ndërsa numri i rasteve të konfirmuara në 2.921.571. Numri i të shëruarve ka arritur në 837045 persona.
Sipas të dhënave nga Universiteti John Hopkins, SHBA vazhdon të jetë vendi më i prekur nga koronavirusi me 960896 raste të konfirmuara dhe mbi 54 mijë vdekje.
Me 26384 viktima Italia renditet e dyta për nga numri i vdekjeve, ndërsa Spanja renditet e dyta për nga numri i rasteve të konfirmuara me gjithsej 223759 të infektuar.
Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëndetësisë (OBSH) shpërthimin e ka shpallur një pandemi globale.
