Gazetari Telnis Skuqi ka denoncuar në rrjetet sociale atë që e konsideron si skandalin e Këlcyrës me Covid-19. Skuqi shkruan se si u zbulua rasti i parë me koronavirus mes 21 emigrantëve të riatdhesuar, që janë karantinuar në njv prej hoteleve të zonës së Këlcyrës.
Skuqi thotë se emigranti nga Fieri ka rezultuar pozitiv me koronavirus, por testi ndaj tij u krye pas 1 jave, megjithëse ai kishte shfaqur shenjat e infektimit.
“G.B., i kishte dhënë shenjat, por Drejtoresha e Drejtorisë së Shëndetit Publik Përmet (DSHP), Elvira Pasho, kishte shmangur procedurat standarde, – thotë F.A., bashkëpatrioti i tij.
Sipas tij, tashmë është tepër vonë, sepse jemi përpara një vatër të re me Covid-19”, shkruan Skuqi.
Postimi i gazetarit Telnis Skuqi
Skandali i Këlcyrës me COVID-19
Këlcyra është një qytezë e vogël që shtrihet mes maleve Trebeshinë dhe Nemerckë dhe laget nga lumenjtë Vjosë dhe Dëshnicë.
Një legjendë lokale tashmë është bërë një rrëfim për G.B, një emigrant shqiptarë nga Fieri, i cili u karantinua më 17 prill dhe u identifikua 7 ditë me vonesë (24 prill) me Covid-19.
Në vend që të mjekohej qysh më herët, ai u vendos në një hotel me 21 emigrantët e tjerë.
– G.B., i kishte dhënë shenjat, por Drejtoresha e Drejtorisë së Shëndetit Publik Përmet (DSHP), Elvira Pasho, kishte shmangur procedurat standarde, – thotë F.A., bashkëpatrioti i tij.
Sipas tij, tashmë është tepër vonë, sepse jemi përpara një vatër të re me Covid-19.
– Kemi marrë para borxh për t’u karantinuar në hotel “River” pranë Grykës së Këlcyrës, ndërsa DSHP e Përmetit kishte raportuar se testet ishin kryer qysh ditën e parë të karantimit, – thotë F.A.
Për të, heroi i identifikimit ishte një drejtues i DSHP nga GjirokastrA, i cili u skandalizua ku u informua se ndaj nesh nuk ishin kryer asnjë test për koronavirus.
– Fal këtij zyrtari DSHP e Përmeti na testoj shtatë ditë me vonesë, që fatkeqësisht 1 nga 21 të karantinuarit rezultoj pozitiv me Covid-19, – deklaron ai.
