Nga Boldnews.al
Shkollën e Mesme të Përgjithshme “Sami Frashëri”, “ekspertët” e nxorrën jashtë funksionimit. U prek nga tarmeti i 26 nëntorit, edhe pse një vit më parë ishte bërë një rikonstruksion i plotë dhe me rregull inxhinierik, ajo duhet të përballonte atë lëkundje 5.8 të shkallës rihter me epiqendër në Durrës.
Parëtë e qytetarëve firuan nga punimet jo cilësore dhe ende nuk ka marrë kush përgjegjësi për ndërtesën që në vitin 2018 thithi 580 milionë lekë për “rikonstruksion total” … Lëkundja e tërmetit të 26 nëntorit objektin e dëmtoi rëndë. Të paktën kështu thanë “ekspertët e shtetit”, duke shtuar aludimet se po i hapnin rrugë një tenderi të majmë të nisur nga Bashkia Tiranë për rindërtimin nga themelet.
Dje, në momentin e shembjes së shkollës “Sami Frashëri”, ishte i pranishëm kryebashkiaku Erion Veliaj, dukshëm i gëzuar sepse po rrënonte një object të së shkuarës ku sigurisht ai as nuk kishte lindur kur iu hodhën themelet. Rruspat e ekzaltuan duke mos u përmbajtur nga ngazëllimi. “Për shumë breza që kanë mbaruar gjimnazin te “Sami Frashëri”, ashtu si unë, sot është një ditë plot nostalgji. Por, mbushem plot emocion kur mendoj sa e bukur do të jetë shkolla e re. Veç kur ta shihni”-shkruan Veliaj në një status në rrjetet sociale.
Ky status i thotë të gjitha. Asnjë emocion për kohën e shkuar adoleshente në atë shkollë që sot i ra nën këmbë. Asnjë moment për të sjellë kujtime, por vetëm beton i ri, objekt i ri, tender i ri, miliona euro…!
Në atë shkollë të “vjetër”, Veliaj mund të ketë kujtime të hidhura, fundja ai ishte një çunak adoleshent që e donte të bukurën dhe luksin, por mundësitë finaciare në atë kohë nuk i kishte. Shitja e fiqve sikurse e ka rrëfyer vetë si “tregti të parë” nuk i siguronte veshje firmato sikurse mban sot. Ai ishte si të gjithë gjimnazistët e asoj shkolle, që në ditët e sotme janë qytetarë të mirë të cilët bëjnë hesape a do i dalë ose jo ajo pak rrogë për fundin e muajit. Lali këtë hall nuk e ka.
Veliaj do të fshijë të shkuarën jo vetëm të jetës personale, por të të gjithë qytetit. I frymëzuar nga kryeministri Edi Rama, kreu i bashkisë së kryeqytetit me dëshirë po zhduk memorien historike të Tiranës. Për këta dy personazhe, një qytet “fillon” atëherë kur ata marrin pushtetin. Objekte të trashëgimisë kulturore u rrafshuan me kohë gjatë periudhës kur Rama ishte kryebashkiak, duke ngritur mbi banesat tradiocinale të Tiranës pallate të reja shumëkatëshe, të ngjeshura brinjë më brinjë e b… më b…!
Nuk u mjaftua me kaq por iu kthye keqas trashëgimisë kulturore, ku si “shofer rruspe” Rama zhduku nga themelet Kinema Partizanin dhe Kinema Republika. I erdhi përqark Tetarit Kombëtar, por nuk kishte kohë dhe fuqi që ta realizonte vetë, duke e lënë për një kohë tjetër të “artë”… Ai moment ishte vitin e kaluar ku Rama si kryeministër dhe kanakari i tij Erion Veliaj kryabashkiak, i vunë syrin Tetarit Kombëtar për ta zhdukur nga themelet e përqark saj të ndërtonte shtatë përbindësha me kulla.
U tërhoqën përkohësisht vetëm pas reagimit të institucioneve ndërkombëtare pasi përveçse po rrënonin një objekt nga më të vjetrit dhe me vlera kulturore në Tiranë, por shkelën edhe kushtetutën dhe ligjet e vendit, duke hartuar një draft të veçantë në Parlament, si një moment unik në historinë tonë ku në ligj futet emri i një biznesmeni që duhet të merrte përsipër shkatërrimin e tetarit aktual, ndërtimin e një të riu dhe si “benefit” do ndërtonte edhe shtatë kulla për interes tërsisht privat.
Megjithë tërheqjen, Lali është po aty, i gatshëm të nisë shembjen e çdo objekti historik si memorie e kryeqytetit, privat apo shtetëror për të ngritur përbindësaht e tij që sot i kanë zënë jo vetëm frymën por edhe sytë Tiranës. Ai ngazëllim teksa shembte shkollën ku mësoi edhe vetë nuk është vetëm kompleks i së shkuarës, por batërdi e së tashmes dhe së ardhmes me ndërtime në kryeqytet, për aq kohë sa të jetë kryebashkiak.
