Kryeministri Edi Rama ka bërë me dije se fundjava do të jetë e mbyllur për vendin ashtu si fundjavat e kaluara.
Në një komunikim në FB, Rama tha se ditën e Shtunë dhe të Diel, bizneset do jenë mbyllur dhe do ndalohet lëvizja e qytetarëve, “përveç atyre që janë në ato punë të lejuara për të shtunën dhe të dielën”.
Kreu i qeverisë u bëri apel qytetarëve që të respektojnë masat e marra nga autoritetet dhe të tregohen të kujdesshëm për të parandaluar përhapjen e COVID.
Kryeministri Edi Rama ka bërë me dije se “nga nisja e javës tjetër do kemi një relaksim në zonat me riskut të ulët”, për sa i përket masave shtrënguese të vendosura me qëllim parandalimin e përhapjes së COVID-19.
Ministria e Shëndetësisë njoftoi sot rritjen në 678 të numrit të personave që janë prekur nga koronavirusi në vend, me 15 raste të reja në 24 orët e fundit.
Bilanci i COVID – 15 raste të reja, shumica në Tiranë. Rritet numri i të prekurve aktivë (VIDEO)
