Aktorja e njohur Olta Gixhari ishte në një lidhje direkte me Blendi Fevziun, në emisionin “Opinion” mbrëmjen e djeshme. Teksa po fliste për periudhën e saj në karantinë dhe gjendjen e ankthit që po përjeton gjatë kësaj situate të pazakontë, aktorja kërkon rikthimin pas në kohë, për disa arsye.
Sipas Gixharit duhet të kthehemi në kohën kur teknologjia nuk ishte aq e zhvilluar, pasi çdo gjë transmetohet virtualisht, dhe kjo gjë e tremb shumë.
“Do kisha shumë dëshirë që të ktheheshim pas në kohë, po ëndërroja që të bënim shumë hapa pas në teknologji. Do të doja të ktheheshim pas në kohën kur ekzistonte vetëm google. Me gjithë këtë izolim, me këto shitje online dhe cdo gjë që po transmetohet virtualisht, nuk jam fare e lumtur, kjo gjë mua personalisht më tremb shumë,”– është shprehur aktorja.
Olta ka treguar se po të kishte qenë në Shqipëri mund ta kishte thyer karantinën, por në Spanjë është e pamundur.
“Jo jo jo, është e pamundur të thyesh karantinën në Spanjë. Unë ju kam shumë zili juve në Shqipëri se ka dhe njerëz që e shkelin deri diku. Por, këtu karantina bëhet prej vërteti. Do e kisha më të vështirë karantinën në Shqipëri se do tundohesha më shumë, dhe do e kisha më të lehtë. Këtu s’ka tolerime dhe më vjen inat që nuk më njohin këtu…”- ka shtuar më tej Olta Gixhari.
