Bayerni siguron të ardhmen, i rinovon kontratën talentit 19-vjeçar

Bayerni i Mynihut “blindon” talentin kanadez, Alphonso Davies, i cili ende nuk i ka mbushur të 20-at.

Drejtuesit e kampionëve të Gjermanisë dhe anësori i majtë kanë vendosur të zgjatin bashkëpunimin, edhe pse kontrata aktuale i përfundonte në vitin 2023.

Ish-lojtari i Vancuver Whitecaps ka nënshkruar marrëveshjen e re që e mban të lidhur me klubin bavarez deri në vitin 2025. Vetë 19-vjeçari nuk mund të fshehte lumturinë për nënshkrimin e kontratës së re.

LEXO EDHE  Liverpool do të sfidojë Arsenalin dy herë brenda katër ditëve

“Jam shumë i lumtur. Bayerni është një nga klubet më të mira në botë dhe për mua është një ëndërr që po realizohet. U ndjeva i lumtur që nga dita e parë kur erdha këtu. Dua të fitoj sa më shumë tituj të jetë e mundur, është në mentalitetin e këtij klubi të fitosh gjithçka.”