Sekretari i Përgjithshëm i PD, Gazment Bardhi, nëpërmjet Facebook shprehet se ka 7 vite që kryeministri Rama u tregon shqiptarëve burgun dhe gjobat, gjë të cilën vazhdon ta bëjë edhe tani, në këtë kohë pandemie ku bota po ofron testime për qytetarët. “Edi Rama flet për burg, në vend të testimeve, siç bën bota” -shprehet Bardhi.
Statusi i plotë i Bardhit
Ka 7 vjet që u tregon shqiptarëve burg dhe gjoba dhe vazhdon ta bëjë edhe tani, kur qytetarët nuk kanë siguri as për shëndetin, as për punën, as për bukën e gojës.
Në vend të testimeve, siç bën bota, Edi Rama flet për burg. Në vend të ndihmojë realisht bizneset që të mos mbyllin vendet e punës, Edi Rama krenohet me gjobat që i vendos popullit.
Gjoba dhe burgu është alternativa e vetme që ka Edi Rama për qytetarët. Lekët janë për oligarkët e koncesioneve.
