Nënkryetari i PD-së, Edi Paloka, ka reaguar përmes një postimi në rrjet ndaj njoftimeve të ministres së Shëndetësisë, Ogerta Manastirliu, mbi numrin e personelit mjekësor që është shëruar nga Covid-19.
Paloka shkruan se ndërsa Manastirliu na njofton mbi mjekët dhe infermierët e shëruar, asnjëherë Ministria e Shëndetësisë nuk ka njoftuar se sa është numri i atyre të infektuar.
“Shqipëria ka numrin më të madh të mjekëve dhe infermierëve të infektuar dhe për këtë s’ka nevojë të na japë shifra, mjafton të numërosh ato që ministresha i deklaron si të shëruar”, shkruan Paloka, ndërsa pyet edhe sa mjekë janë të infektuar e në rrezik.
Postimi nga Edi Paloka
Po te ndjekesh kronikat dhe informacionet, cdo dite , ministresha ka njoftuar per mjeke dhe infermiere te sheruar…
Kurre nuk na u tha se sa mjeke dhe infermiere e kishin marre virusin (pervec dy tre rasteve kur te infektuarit ishin figura te njohura) sepse kjo do te vertetonte se opozita kishte te drejte edhe per nje kerkese tjeter te saj, ate te sigurimit ne kohe te mjeteve mbrojtese per mjeket dhe infermieret.
Sic ju kujtohet , kjo kerkese e opozites, si shume te tjera , u perqesh nderkohe qe zyrtaret e qeverise dilnin me rradhe e deklaronin se kane marre te gjitha masat.
Faktikisht sot , Shqiperia ka numrin me te madh te mjekeve dhe infermiereve te infektuar e per kete nuk ka nevoje te na japin ndonje komunikate zyrtare, mjafton te numerosh numrin e atyre qe ministresha i ka deklaruar si te sheruar keto dite.
Po sa jane ende te infektuar e ne rrezik ???
