Nënkryetari i LSI-së, Petrit Vasili, ish-ministër i Shëndetësisë, ka analizuar situatën pas shpërthimit të koronavirusit në Shqipëri, si dhe menaxhimin e saj nga Qeveria.
Vasili u shpreh se Covid-19 e ka gjetur të papërgatitur Qeverinë, e cila në vend që në vijën e parë të vinte mjekun e familjes, ata ia caktuan rolin kryesor 127.
“Kemi rreth 100 herë më pak nga ajo që kryeministri u servir qytetarëve shqiptarë. U kundërshtua përdorimi i maskave, në 18 mars, vetë kryeministri tha që maskat janë të padobishme. OBSH e rekomandon përdorimin e maskave. Ndërsa në vijën e parë duhet të ishte mjeku i familjes dhe jo studentët. Në një kohë që epidemia po trokiste në derë, qeveria ishte e papërgatitur. Sot nuk ka asnjë bilanc sa teste erdhën, sa maska u vunë në dispozicion dhe të gjitha këto mbulohen me nuk ka rëndësi,” tha Vasili.
Ndërkohë në lidhje me fashën e orareve të vendosur nga qeveria në kuadër të masave parandaluese për përhapjen e koronavirusit është shprehur se nuk janë të duhurat, sipas tij asnjë vend i botës nuk ka bërë këtë lloj kufizimi lëvizjesh.
“Është fakt që të gjitha kufizimet e lëvizjeve kanë qenë spontane të pa llogaritura. Në fillim na u kërkua të dilnim vetëm një orë, pataj nga ora 05:00-13:00 etj. Sot ka një rregull të ri që deri të premten duhet të jemi të bllokuar. Çdo masë lidhet me një rrezik të shtuar, asnjë qytetar nuk ka dëgjuar gjë tjetër vetëm ca urdhra të karakterit militar.
Çdo vend i botës që ka aplikuar masat kufizuese ka shpjeguar arsyet e ndryshimit të lëvizjeve. Modele kontradiktore që improvizoheshin dhe prodhoheshin nga emocionet e turbulluara të kryeministrit dhe jo sipas kritereve profesionale. Ky menaxhim spontan nuk u parapri, nuk u mor asnjë masë për të zbuluar rastet e para.
Epidemiologët kanë hedhur dyshime që virusi mund të ketë qarkulluar që në janar në Shqipëri”, tha Vasili.
DENONCO