Ish-ministrin i Drejtësisë, Ylli Manjani, përmes një postimi në rrjetet sociale, shkruan se fondet në buxhet nuk mund të rialokohen, pa u rialokuar më parë pluralizimi.
Komenti i Manjanit i drejtohet opozitës, e cila prej disa javësh i kërkojnë Qeverisë që të rialokojë fondet në buxhet në sektorin e shëndetësisë dhe në ndihmë të qytetarëve.
“Nuk rialokohet më buxhet në këtë vend pa u rialokuar më parë pluralizmi, Parlamenti dhe qeveria. Kjo e fundit as që ka ndërmend të ndalë shterrimin e atij pak buxheti me tendera pa garë dhe pagesa koncensionesh e PPP.
Për të qenë i sinqertë deri në fund, duhet më shumë, pa dyshim. Duhet në ristart i demokracisë, ekonomisë së tregut dhe ndërtimit të shtetit të së drejtës.
Por të fillojmë njëherë nga më të thjeshtat: pluralizmi, Parlamenti mbi qeverinë dhe normalitet ligjor me gjykata jo politike.
Koha për thirrje ka skaduar”, shkruan Manjani.
Postimi nga Ylli Manjani
E nderuar opozitë!
Nuk rialokohet më buxhet në këtë vend pa u rialokuar më parë pluralizmi, Parlamenti dhe qeveria. Kjo e fundit as që ka ndërmend të ndalë shterrimin e atij pak buxheti me tendera pa garë dhe pagesa koncensionesh e PPP.
Për të qenë i sinqertë deri në fund, duhet më shumë, pa dyshim. Duhet në RISTART i demokracisë, ekonomisë së tregut dhe ndërtimit të shtetit të së drejtës.
Por të fillojmë njëherë nga më të thjeshtat: pluralizmi, Parlamenti mbi qeverinë dhe normalitet ligjor me gjykata jo politike.
Koha për thirrje ka skaduar.
Shpalleni atë platformë, program, lëvizje a ç’keni ndërmend të bëni se ska më asnjë kuptim!
Bëhuni bashkë e hapni ato skalione politike për njerëzit që gdhihen e ngrysen në mllef pa e ditur se ku po shkojnë. Çfarë i pret..?! Si do mbijetojnë..?!
Nuk ka më as të pasur e as të varfër, as të majtë e as të djathtë, bisnesmenë e të papunë, me ose pa shkollë, i vjetër apo i ri që beson se qeveriset mirë.
Shumë madje besojnë se nuk qeverisen fare, por thjesht sundohen dhe i ruan zoti…!
Është e vërtetë që Rama ka fat, por duhet të ketë edhe afat!
#bollmë
