Mos o Zot një zot si ti!

Nga Boldnews.al

Një javë më parë na u vëtëshpall “babai i shqiptarëve” ndërsa dje dhe sot ka kaluar edhe një “gradë” më lart, duke e quajtur vetën Zoti ynë… Një lojë fjalësh, por mbi të gjithash nervash të qytetarëve që herë pas herë nuk i lë në hallin e tyre të madh, brenda mureve të shtëpisë të mbyllur nga karantina, duhet të durojnë edhe papërgjeshmërinë dhe propagandën e ulët që vjen nga elita drejtuese e qeverisë.

“Jeni super, ju dua shumë. Shqipëria do ta fitojë këtë luftë. Mos e harroni kurrë: Zoti i shqiptarëve është i madh”. Kështua shkuajti në rrjetet sociale ditën e djeshme kryeministri Edi Rama. Ai është njeri i ditur dhe me botë të madhe (të paktën kështu e pretendon vetën ai dhe Rilindasit), por me këtë shprehje kryeministri ynë ka rrëzuar edhe ligjësinë botërore që ka vetëm një Zot dhe ai është i të gjithëve.

Kreu i qeverisë reagimë të tilla nuk i bën nga padija, për më shumë që ka nisur të lexojë Bibël dhe Kur’an dhe iu referua shpesh librave të shenjtë pas tërmetit tragjik të 26 nëntorit të vitit të kaluar. Dje nuk mori ndonjë reagim për këtë provokim të dukshëm. Jo se nuk u kap nga shumica e qytetarëve, por është mëkat i madh, për besimtarë dhe ateistë që të quajnë Zot një pushtetar të radhës.

Duke mos pasur reagim, kjo e çmend edhe më shumë kryeqeveritarin, ndaj nuk la pa e permendur sërish atë fjalë edhe ditën e sotme teksa ishte i shoqëruar nga “ministri i fatkeqësive” Arben Ahmetaj në Thumanë, një nga zonat më të prekura nga tërmeti i vitit të kaluar.

LEXO EDHE  Vetëvendosje Qendra Shqipëri uron shqiptarët për 28 nëntorin

“Të gjithë ata që janë në çadra a në shtëpi me qera, do t’i kthejmë në shtëpia të reja, më të mira, më të forta e më të bukura dhe pasi të fitojmë luftën që na ka zënë derën, do të përmbushim këtë kryedetyrë njerëzore të këtij viti të jashtëzakonshëm, duke zbatuar me çdo kusht porosinë e Zotit të Madh të Shqiptarëve, për t’u kujdesur deri në fund për ata që tërmeti i goditi më fort”, shkruan Rama.

“Porosinë e Zotit të Madh të Shqiptarëve”… Besimtarët luten tek një Zot, anekënd botës me rite dhe besime të ndryshme, por për ta është vetëm një i mbinatyrshëm. Zoti nuk ndahet në i shqiptarëve, gjermanëve, francezëve, afrikanëve, apo çdo kombi e shteti të ndryshëm. Politikanët haluçinativ dhe diktatorët, veçarisht të juntave ushtarake kapërcejnë çdo kufi, duke e konsideruar veten si Zot dhe me “zotësinë” e tyre shtypin popullin, për një farë kohe.

Me marrjen e maseve represive për të shpangur përhapjen e pandemisë së coronavirusit, kryeministrit iu kujtua një shprehje e gjyshes së tij se: “Zoti zgjedh mbi cilat shpatulla të vërë barrë të mëdha”.. po edhe kaq nuk i mjaftuan “barrëmadhit” dhe me gjasë ka nisur të besojë se është “Zoti i Shqiptarëve”.