E mbani mend Kryeministrin Edi Rama kur deklaronte se maskat nuk duheshin përdorur nga qyetarët që nuk kishin shenja të prekjes nga koronavirusi, apo nuk i shërbenin personave të sëmurë?
Kryeministri në pothuajse çdo dalje publike shprehej se maskat nuk duheshin të përdoreshin, madje ato ishin të dëmshme.
Dhe si për t’a bërë më të besueshme tetorinë e tij, Rama herë i referohej OBSH, herë virologëve vendas dhe të huaj, dhe më pas ekspertëve.
Madje edhe kur nisi të inspektonte vetë në terren duke dhuruar show me respektimin e masave anti-Covid 19, duke ndalur qytetarë në rrugë dhei kërkonte llogari pse kishin dalë nga shtëpia apo pse mbanin maska, Rama nuk përdorte masat mbrojtëse, doreza apo maskë.
I vetmi moment kur në publik vuri maske, ishte një mbledhje e Qeverisë, në momentin kur u zbulua skandali me maskat e skaduara që në 2011 që i ishin shpërndarë ekipeve mjekësore për t’u mbrojtur nga Covid 19.
Por jo shumë ditë pas teorive të Ramës mbi maskat, nisën të aplikoheshin rregulla që në tregje policia nuk lejonte qytetarët pa maska. Më pas iu kërkua të mbanin edhe doreza, veçanërisht në tregjet e fruta perimeve.
Sot teorinë Rama kundër përdorimit të maskave e rrëzoi edhe Silva Bino, shefe e ISHP, dhe një nga ekspertet që sikundër shprehet Kryeministri, përcakton masat dhe rregullat, që më pas Rama ia përsërit qytetarëve nga rrjetet sociale ose përmes mediave.
“Është shumë e rëndësishme të zbatohen masat, të mbahet maskë kur shkojmë në supermarkete, në mjedise të grumbulluara dhe të ruhet distanca midis njëri-tjetrit”, tha sot Silva Bino.
Nuk dihet nëse pas kësaj deklarate, Kryeministri do të ndryshojë mendim, apo do të gjejë “këshilltarë” të tjerë për t’i qëndruar teorisë kundër përdorimit të maskave nga qytetarët në rrugë.
