Këngëtarja e njohur Duffy ka bërë publike historinë e drogimit, rrëmbimit për disa javë dhe përdhunimit.
Përmes një postimi në Instagram, këngëtarja ka treguar se u drogua në një restorant për ditëlindjen e saj, u mbajt peng në shtëpinë e saj dhe më pas u dërgua jashtë shtetit.
“Ishte ditëlindja ime, më droguan në një restorant dhe më pas më droguan për katër javë të tjera dhe më dërguan jashtë shtetit. S’mbaj mend të kem hipur në avion, erdha në vete kur isha në një makinë.
Më futën në një dhomë hoteli dhe krimineli më përdhunoi. Më kujtohet dhimbja dhe stërmundimi për të ruajtur vetëdijen pasi ndodhi. Ai qëndroi me mua dhe për një ditë tjetër, s’më shihte, më tha të ecja pas tij. Isha disi e vetëdijshme dhe e tërhequr. Ai mund të më kishte hequr qafe” – ka treguar këngëtarja.
Ajo thotë se nuk e di ku e gjeti forcën për t’u bërë ballë atyre ditëve dhe shtoi se krimineli kërcënoi ta vriste.
“Unë nuk kam më turp nga diçka që më lëndoi. Besoj se nëse flet nga zemra, zemrat e të tjerëve do të përgjigjen. Sado e errët të jetë historia ime, flas nga zemra, për jetën time dhe për jetët e të tjerëve që kanë vuajtur të njëjtën gjë.”
Duffy tha se u arratis, por nuk shpjegoi se si ia doli. Shtoi “se nuk e mban mend si u kthye në shtëpi.” Ajo tha se në fillim kishte frikë të shkonte në polici, por ia tregoi rastin e saj një oficereje pasi dikush e kërcënoi ta trengonte para saj.
Duffy shtoi se rrezikonte të kryente vetëvrasje pas ngjarjes dhe se ka kaluar dhjetë vjet thuajse e vetme. Tani ndihet gati ta hedhë pas shpinës gjithë ç’ndodhi. Ajo falenderoi psikologen që e ndihmoi me traumën.
DENONCO