Braziliani Kaka është një prej futbollistëve që ka spikatur në futbollin evopian, veçanërisht me skuadrën e Milanit, me të cilën arriti të fitonte dhe “Topin e Artë”.
Në një intervistë të dhënë së fundmi, nëpërmjet Instagramit për FIFA-n, Kaka nuk i ka shpëtuar pyetjes se kush është më i mirë ndërmjet Messit dhe Ronaldos.
Pavarësisht se ka luajtur me Ronaldon në një skuadër, braziliani ka deklaruar se, Messi është më i mirë se portugezi.
“Cristiano është një makinë. Ai është i fuqishëm, i shpejtë dhe mendërisht i përgatitur për çdo gjë. Gjithmonë dëshiron të fitojë, të jetë në fushë më i miri.
Kam luajtur me Cristianon dhe ai është me të vërtetë i pabesueshëm, por unë jam me Messin. Ai është gjeni, është talent i pastër. Mënyra se si ai luan është e jashtëzakonshme. Në historinë e sportit ata janë pa dyshim në “top-5”. Jemi shumë me fat që jemi në gjendje t’i shohim të dy”.
