Kryeminsitri Edi Rama edhe gjatë ditës së sotme ka vijuar akuzat dhe fyerjet ndaj opozitës shqiptare, pas reagimeve të tyre lidhur me vendimin e rilindasve të cilët u jepnin të drejtët qiradhënësve të mos paguajnë qiratë për dy muajt e ardhshëm.
Por pas deklaratave të bëra nga kryeministri Edi Rama, ka ardhur dhe reagimi i kreut të opozitës, Lulzim Basha.
Në postimin e tij Basha i bën thirrje Ramës që mos meret me fyerje dhe sharje, por të mendojë për jetën e qytetarëve shqiptarë dhe qeveria rë subvenciionoje qeratë.
Ja postimi i Bashës:
Për tju ardhur në ndihmë njerëzve, kemi kërkuar që qeveria të subvencionojë qiratë dhe pagesat e qytetarëve dhe bizneseve në nevojë, ashtu si kanë bërë shumë vende duke nisur me Kosovën. Boll me fyerje dhe sulme ordinere: ato nuk i mbushin xhepat dhe tryezat bosh të shqiptarëve.
Fyerjet dhe sharjet ndaj opozitës tregojnë se kryeministri nervoz nuk ka as ide dhe as plan masash për emergjencën. Cfarë thotë në drekë, e ndryshon në darkë! Ai sot po tregon se nuk ka hallin e shqiptarëve por ka vetëm merakun e oligarkëve.
Qeveria të anullojë MENJËHERË koncesionet, të rialokojë buxhetin dhe të shtojë pa vonesë fondet e emergjencës në ndihmë të shëndetit dhe njerëzve dhe bizneseve në nevojë. Koha nuk pret!
