Son Heung-min, sulmuesi i Koresë së Jugut dhe i Tottenham, do të detyrohet për një muaj t’iu nënshtrohet trajnimeve ushtarake në një bazë të marinsave, për të përmbushur detyrimin e tij të shërbimit ushtarak.
Në Korenë e Jugut, të gjithë burrat nuk i shmangen dot këtij detyrimi, për një periudhë 2-vjeçare. Son kishte fituar përjashtimin nga përmbushja e plotë e këtij detyrimi, pasi fitoi medaljen e artë në Lojërat Aziatike, të mbajtura në Indonezi, në vitin 2018.
Me Premier Ligën të ndalur për një afat të pacaktuar, mediat koreane raportojnë se tani Son nuk do të ketë më mundësi t’i shpëtojë detyrimit të tij: nga 20 prilli, do të stërvitet në një bazë marinsash në ishullin “Jeju”.
