Shefja e Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik, Silva Bino thotë se pretendohet që vaksina e tuberkulozit nxit një lloj imuniteti, por kjo është ende e pazbuluar.
“Kjo është një hipotezë dhe ka disa studime që po kryehen. Është një hipotezë e ngritur shumë vite më parë ku është pretenduar që vaksina e tuberkulozit nxit një lloj imuniteti, kryesisht e lidhur me atë që quhet makrofakë, që mendohet se mund të kenë një lloj imunitetit të trajnuar. Ne duhet të presim studimet dhe të vazhdojmë të zbatojmë këto masa që kemi aktualisht”, tha Bino.
Ajo kërkoi nga qytetarët që të respektojnë masat dhe rregullat e higjenës si të vetmet mënyra për t´u mbrojtur nga koronavirusi.
