Ja kur do e marrin qytetarët pagesën prej 26 mijë lekë/ Ahmetaj: Humbjet nga Covid 19, 100 mln euro

Koordinatori për situatën “COVID” Arben Ahmetaj në një dalje në “Opinion”, ka shpjeguar procedurën dhe periudhën kohore që do të marr shpërndarja e parave cash për biznesin e vogël që tashmë është i mbyllur. Është fjala për vlerën 26 mijë lekë të reja, të përcaktuara nga qeveria.

“Vendimi i qeverisë do të paguhet përmes bankave, nominale për ata që verifikohen se kanë qenë në border si të vetëpunësuar ose të punësuar. Nesër në mëngjes del pyetësori, vetëm do klikosh bokset. Bëhet verifikimi i tatimeve me drejtoritë rajonale dhe pas kësaj paratë i kalojnë bankës dhe nëse nuk ka llogari bankare, do t’i hapet llogari bankare.

Formulari mund të kryhet online, ose ta dorëzojnë tek drejtoria e tatimeve”, tha Ahmetaj.

I pyetur se kur mendohet afërsisht që këto para do të shpërndahen tek qytetarët, Ahmetaj tha se do të jetë një proces i përmuajshëm për periudhën e pandemisë dhe unë mendoj që brenda 10 apo 15 ditësh do kenë marrë pagesën e parë”.

LEXO EDHE  Pankartat që nuk duhen humbur nga protesta kundër abuzimit ndaj vajzave

Ahmetaj tha që kjo pagesë që do të kryhet në Prill, është pagesa që mbulon muajin Mars.

Ai tha se që kur koronavirusi ka ardhur në Shqipëri, janë humbur 100 milionë dollarë, ndërsa theksoi se nëse kjo situatë vijon 2 muaj apo 4 muaj ekonomia futet në kolaps.

“Jo të gjithë klasifikohen si përfitues papunësie se ka rregullat e veta papunësia, sigurisht që dhe mundësit e buxhetit të shtetit nuk janë të palimituara, janë të kufizuara. Më një ndërhyrje vetëm në biznesin e vogël shkoi në muaj 16 milonë dollarë, pra 1.57 miliard lekë.

E gjithë paketa shkon 19 milionë dollarë. Nëse kjo do zgjasi 2 deri në 4 muaj ekonomia shkon drejtë një kolapsi. Sot është data 31, ne sot kemi humbur për shkak të luftës me armikun e padukshëm 100 milionë dollarë, nga mos pagimi i takasave, jo vetëm se nuk është punuar por dhe nga ata që mendojn se nuk i paguaj se do falin taksat këta”, tha Ahmetaj.