VIDEO/ Bardhi-Ramës: Boll ndave para për tendera e koncensione, ndihmo shqiptarët

Gazment Bardhi, Sekretar i Përgjithshëm i PD-së, ka treguar me fakte, se buxheti ka para, por nuk ka prioritet ndihmën për shqiptarët në kushtet kur vendi ndodhet nën masat kundër pandemisë botërore të Covid 19.

“Nëse mbyllesh në Surrel nuk ke sesi ta kuptosh që njerëzit janë pa bukë dhe pa asnjë ndihmë nga shteti, prandaj vetëm e mallkon dhe e fyen popullin tënd. Edi Rama duhet të bëjë detyrën dhe të lërë fjalët boshe, teatrin dhe propagandën.

LEXO EDHE  "Java e fundit e kufizimeve"/ Rama: Transporti publik hapet në fund të muajit

Braktisja e familjeve në nevojë, të sëmurëve apo qytetarëve pa mjetet e nevojshme të jetesës, në këtë kohë krize, është kriminale. Sot qytetarët e pamundur kanë nevojë më shumë se kurrë të ndjejnë solidaritetin dhe mbështetjen e shtetit”, tha Bardhi.

Sipas tij, buxheti ka para mjaftueshëm për të përballuar krizën, por Shqipëria është në prag të katastrofës ekonomike, sepse lekët e shqiptarëve Rama i ka për t’i ndarë me miqtë e tij, në tendera dhe koncesione korruptive.