Ministria e Shëndetësisë publikoi sot rastet e reja të pacientëve të prekur me Covid-19, ndërsa numri total i të prekurve arrin në 212 raste.
Referuar informacioneve zyrtare, në shërbimin infektiv aktualisht janë 76 të shtruar. Prej tyre 6 janë në terapi intensive, nga të cilët 4 janë të intubuar.
Pjesa tjetër e të shtruarve në pavion janë në gjendje të stabilizuar deri në këto momente.
“Harta e të prekurve nga COVID-19 është shtrirë tashmë edhe në Mirditë dhe zgjerohet në Tiranë, Fier dhe Durrës, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit,” tha zv/ministrja Mira Rakacolli.
Ndërkohë që ka një shtim të rasteve, veçanërisht në Tiranë, ajo që bie në sy është zgjerimi i hartës së bashkive të prekura.
Kështu, listës i është shtuar edhe Mirdita, ku pacienti i parë mësohet se është një punonjës i administratës së spitalit. Pacienti është i moshës 55 vjeç.
Shpërndarja gjeografike e rasteve pozitive, është si vijon:
– Tiranë 121 raste
– Durrës 12 raste
– Lushnje 4 raste
– Elbasan 5 raste
– Fier 22 raste
– Kavajë 4 raste
– Rrogozhinë 2 raste
– Korçë 12 raste
– Vlorë 5 raste
– Shkodër 5 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 3 raste
– Pukë 3 raste
– Mirditë 1 rast
