Chiellini bën ndërmjetësin, Ronaldo pranon uljen e pagës

Giorgio Chiellini ka biseduar me shokët e tij të Juventusit dhe ka arritur një marrëveshje që lojtarët të pranojnë një ulje pagash, përfshirë Cristiano Ronaldon i cili do të ulë pagën e tij me 3.8 milion euro.

Lajmi është bërë i ditur nga “Tuttosport”, sipas së cilës kampioni portugez do t’i përmbahet propozimit të kapitenit të Juventusit, duke hequr dorë një pjesë e pagës vjetore. CR7 bashkohet kështu me korin e senatorëve bardhezinj, Buffon dhe Bonucci.

LEXO EDHE  Vanessa Bryant proteston kundër racizmit me foton e Kobe-t

Bisedimet dhe diskutimet ende nuk kanë mbaruar – kryesisht për shkak se opsionet në tryezë janë të ndryshme – por në përgjithësi të gjithë lojtarët kanë rënë dakord për të ulur pagat e tyre në këtë kohë krize, ku ndeshjet dhe stërvitjet janë totalisht të bllokuara.