Zëdhënësja e Partisë Demokratike, Ina Zhupa ka bërë një denoncim lidhur me një mjeke që është infektuar me COVID-19.
Bëhet fjalë për një nga doktoreshat e Qendrës Shëndetësore 6 në Kombinat, e cila sipas zëdhënëses së PD-së ishte në vijën e parë të luftës ndaj koronavirusit vetëm me maskën e skaduar të qeverisë, të cilat u denoncuan më herët nga opozita.
Por jo vetëm kaq por në postimikn e saj në rrjetet sociale, Zhupa shkruan se asnjë kolegu të mjekes së infektuar, me të cilët ajo ka patur kontakt të përditshëm, nuk i është bërë testi i COVID-19.
Sipas saj, politika e testeve me pikatore që po ndjek qeveria ka sjellë rëndimin e gjendjes shëndetësore të qytetarëve.
Kujtojmë se në vendin tonë koronavirusi ka prekur edhe shumë bluza të bardha, ku dy prej tyre janë pjesë e task forcës së ministrisë së Shëndetësi për përballimin e situatës. Bëhet fjalë për Skënder Bratajn, shefimn e Urgjencës Kombëtare dhe Mirela Camin, drejtoresha e Operatorit të Shërbimit Shëndetësor. Ndërkohë që janë infektuar dhe shumë mjekë e infermierë në Korçë, Lezhë, Durrës.
Postimi i Ina Zhupës:
Një mjek më pak është sot në shërbim të qytetarëve.
Si të gjithë mjekët e familjes, një nga doktoreshat e Qendrës Shëndetësore 6 në Kombinat, ishte lënë në vijën e parë të luftës vetëm me maskën e skaduar të qeverisë. Kjo është vetëm njëra anë e medaljes për tradhtisë ndaj personelit shëndetësor.
Ana tjetër është se Ministria e Shëndetësisë apo autoritetet e tjera, që varen prej saj nuk kanë bërë testin e asnjë kolegu të mjekes me COVID 19, me të cilët ajo ka patur kontakt të përditshëm. Për të gjurmuar persona që ka vizituar mjekja as që bëhet fjalë.
Politika e testeve me pikatore që po ndjek qeveria për rastet e dyshuara është faktuar nga denoncimet e shumë qytetarëve se ka sjellë rëndimin e gjendjes shëndetësore të tyre. Kjo politikë rezikon jetën e qytetarëve dhe përhapjen e virusit.
Përsonelit shëndetësor në Qendrën Shëndetësore nr. 6 në Kombinat duhet t’i bëhet testi pa vonesë! Vetë Qendra duhet dezinfektuar në mënyrë që të mos bëhet burim infeksioni për stafin dhe qytetarët. Personeli shëndetësor dhe ai ndihmës duhet të pajisen me maska, me doreza, me dezifektues për punën e tyre të përditshme!
https://www.facebook.com/inazhupaPD/photos/a.1013319932072746/3641985645872815/?type=3&theater
