Italia po kalon një situatë tepër të vështirë të shkaktuar nga përhapja e Coronavirusit. Sporti në vend është totalisht i ndalur, ndërsa kriza financiare po kërcënon të gjithë futbollin.
Për shkak humbjeve të raportuara , klubet në të gjitha ligat e futbollit në Itali, kanë kërkuar nga lojtarët e tyre reduktim të pagës.
Kundër kësaj ideje është portieri i Cittadella, Alberto Paleari. Lojtari i cili luan në Serinë B, mendon se për lojtarë të tillë si Ronaldo, kjo sakrificë nuk do të ishte një problem, por duke përfshirë dhe veten e tij, ai deklaron se ka futbollistë që jetojnë normalisht, me të ardhura modeste.
“Nuk jemi të gjithë CR7, që nuk ka vështirësi po t’i heqin dy muaj rrogën. Nëse na e heqin ne, pronari i shtëpisë troket në derë dhe kërkon qiranë”. Nuk mund të vihet I njëjti ligj për të gjithë, situatat e ndryshme duhen parë me pikëpamje tjetër.” – ka thënë portieri që luan në Serie B të Italisë.
DENONCO