Pas dy rasteve të reja të shfaqura në Elbasan, ku dy vëllezër rezultuan pozitiv me Covid 19, ndërsa janë izoluar në banesat e tyre, raportohet se dy raste të tjera janë zbuluar në Fier.
Mësohet se një çift në qytetin e Fierit kanë shfaqur shenjat e koronavirusit, ndërsa priten analizat zyrtare që të konfirmojnë nëse kemi një shtim me dy raste ose jo në këtë qark.
Një ditë më parë, Ministria e Shëndetësisë deklaroi se në Fier ishin evidentuar 14 raste, dhe nëse konfirmohen edhe testet e çiftit, atëherë numri shkon në 16.
Ndërkohë në Durrës, raportohet se njv efektive policie, kontakt i kolegut të saj, të evidentuar një ditë më parë, ka rezultuar pozitive dhe është transportuar drejt Infektivit në Tiranë. Po në Durrës janë edhe 3 raste të tjera të dyshuara që presin konfirmimin.
Zyrtarisht, deri në mesditën e djeshme, numri i të infektuarve me Covid 19 në Shqipëri ishte 146 persona, 72 prej të cilëve ndodhen të shtruar në spitalin Infektiv.
