Një çift nga Elbasani u transportua me urgjencë drejt repartit Infektiv në QSUT pas shfaqjes së shenjave me Covid 19.
Bëhet fjalë për një burrë rreth 60 vjeç dhe bashkëshorten e tij, që mendohet se janë infektuar me koronavirus, ndërkohë që vijon hetimi epidemiologjik për të identifikuar personat e kontaktit.
Çifti nga Elbasani, banues në lagjen ‘Emin Matraxhiu’, shfaqi temperaturë të lartë, ethe dhe kollë të thatë. Nga testet e kryera në Elbasan ka rezultuar se 60-vjeçari është prekur nga Covid 19, ndërkohë ende nuk dihen analizat e gruas së tij, e cila gjithashtu ka shfaqur shenjat.
