Në një kohë kur ka një shtim të rasteve të prekura me koronavirus, ish-deputetja demokrate Albana Vokshi, kërkon nga Qeveria ndryshimin e strategjisë duke shtuar testet në rastet e dyshuara me Covid 19.
“Test, test, test ka kërkuar me forcë OBSH dhe çdo ditë, përsërisin çdo ditë të gjithë ekspertët më të mirë ndërkombëtarë.
Vetëm evidentimi i të prekurve, testimi i të afërmve të tyre, karantinimi dhe izolimi i tyre do të shkëpusë zinxhirin e përhapjes së virusit të tmerrshëm.
Mëngjesi i sotëm ka nisur i trishtë. Me viktima të tjera nga COVID 19, në moshë krejt të re, vetëm 43 vjeç e pa sëmundje të tjera.
Duke shprehur Ngushëllime të sinqerta për familjaret e të afërmit e tyre, kjo duhet të jetë një thirrje për të bërë çmos të shpëtohen jetë të tjera”, shkruan Vokshi.
Sipas saj, për të bërë të mundur këtë duhet që gjithësecili duhet të bëjë punën e detyrën e tij.
“E ndërsa qytetarët me hir apo pahir po zbatojnë rregullat, duke mbajtur distancimin social e duke u izoluar, është
Qeveria ajo që duhet të ndryshojë qasje sa nuk është tepër vonë”, shkruan Vokshi.
Në këtë kuadër ish-deputetja kërkon transparencë totale lidhur me testet që janë bërë, numrin e tamponeve që janë në gjendje, sa të tjerë duhen dhe a janë porositur.
“Sa është numri i shtretërve me pajisjet përkatëse për trajtimin e personave me COVID-9? Sa shtretër nevojiten? Cilat janë mungesat?
Sa pajisje për testimin janë? Kur vihet në funksionim pajisja ne laboratorin e QSUT? Pse nuk porositen pajisje të tjera që nxjerrin përgjigjet në kohë reale (sic Qeveria e KOsovës ka porositur) në mënyrë që të decentralizohet bërja e analizave edhe në qarqe të mëdhaja?”, shkruan Vokshi.
Ajo propozon testimin e çdo të dyshuari, kontakteve, atyre me simptoma qofte edhe të lehta.
“Është urgjente, e domodsoshme, jetike, që Qeveria, të bëjë cdo gjë për të siguruar numrin e duhur të testeve për të ndjekur cdo të dyshuar COVID19 e cdo kontakt të tyre”, shkruan Vokshi.
