Ndërron jetë në spitalin infektiv pacienti 43-vjeçar, viktima e 4 me COVID-19 në Shqipëri. Kjo u bë e ditur nga Ministria e Shëndetësisë, sipas të cilës pacienti 43-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.
“Pas rëndimit të gjendjen gjatë mbrëmjes, 43-vjeçari nga Kavaja është vendosur në frymëmarrje të drejtuar për disa orë, por pavarësisht përpjekjes së mjekëve, nuk ka mundur të mbijetojë.
43-vjeçari nga Kavaja, përpos obezitetit nuk kishte sëmundje bashkëshoqëruese. 43-vjeçari është viktima e katërt i prekur nga COVID-19 në Shqipëri”, thuhet në njoftimin zyrtar.
Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.
Tre pacientët e mëparshëm që kanë humbur jetën vuanin edhe nga disa sëmundje të tjera, ndërsa i katërti përveç se ishte në një moshë të re, nuk kishte pasur shqetësime shëndetësore.
