Barcelona ka bërë ofertën e parë për të marrë shërbimet e Lautaro Martinez, por është refuzuar menjëherë nga skuadra e Interit.
Sipas mediave Italiane, katalanasit kanë ofruar 70 milionë euro plus dy lojtarë; mbrojtësin portugez Nelson Semedo dhe mesfushorin Arturo Vidal. Por kjo ofertë nuk ka bindur aspak zikaltërit.
Interi, edhe përmes presidentit Stiven Zhang, është shprehur gjithmonë se nuk do të dëshironte të shiste yjet, por askush nuk qëndron në skuadër kundër dëshirës.
Për këtë arsye kushti i vetëm që, Martinez, të largohet nga skuadra është që çdo klub duhet të paguajë edhe klauzolën e tij të largimit, që është në vlerën e 111 milionë eurove, ndërsa oferta të tjera nuk do të konsiderohen.
Nga ana tjetër, Barcelona, duket se po bën gjithçka për të siguruar shërbimet e 22-vjecarit dhe për të lehtësuar tratativat, po konsiderohet edhe shitja e francezit Griezmann.
