Sot u raportuan se tre banorë të Korçës, një 33 vjeçar dhe dy pacientë të tjerë, burrë e grua, ishin infektuar me Covid 19.
Të tre personat janë nisur drejt spitalit Infektiv në Tiranë, ndërsa gjendja shëndetësore e 33-vjeçarit paraqitet më e rënduar.
Ndërkohë ish-kryeministri Sali Berisha publikoi një mesazh ku thuhet se rastet janë mbajtur të fshehura.
Postimi i Berishës
Denoncohet fshehja e tre rasteve me koronavirus në Korçë!
Mjekët janë pa mjetet mbrojtëse.
Lexoni mesazhin e qytetarit dixhital. sb
Mirëmbrama doktor. Sot në senatoriumin e Korçës është më keq se çdo ditë. Një djalë 32-vjeçar ka 9 ditë i shtruar, i bënë gjoja testin dhe i doli negativ. Dje ia bënë prapë dhe i doli pozitiv. Sot ka tre raste të konfirmuara, por ministria nuk e njofton. Askush s’flet, këta janë plehra. Ia kemi lënë Zotit, teste nuk bëjnë fare. Mjekëve akoma nuk iu kanë ndarë veshjet. Me respekt për ju.
