Zgjerohet harta e të prekurve me koronavirus në Shqipëri. Mësohet se mbrëmjen e djeshme janë identifikuar 3 raste të reja në qytetin e Korçës.
Dy meshkuj të moshës 33 dhe 79 vjeç dhe një grua, kanë rezultuar pozitiv me Covid 19, pas testeve që i janë kryer, ndërsa janë nisur drejt spitalit Infektiv në Tiranë.
Mësohet se 33 vjeçari është menaxher në një lokal në qytetin e Korçës.
Pacientët u paraqitën në spitalin rajonal të Korçës me temperaturë dhe kollë, dy nga shenjat e Covid 19 dhe pas nënshtrimit të testeve, mjekët vendosën transportimin e tyre drejt spitalit Infektiv i kthyer tashmë tërësisht në një spital për kurimin e të prekurve nga pandemmia botërore.
Deri mesditën e djeshme, në Shqipëri ishin konfirmuar zyrtarisht 76 persona të prekur, ndërsa dy pacientë kanë humbur jetën.
Me rastet e reja të shfaqura në Korçë numri arrin në 79, edhe pse pritet që zyrtarisht Ministria e Shëndetësisë të japë informacionet rreth mesditës.
Kjo javë konsiderohet nga autoritetet si piku lidhur me rastet që mund të zbulohen, ndërsa dy pacientët e parë të shtruar në Infekvit me Kovid 19 janv shëruar.
