Kina po përdor ilaçin kuban Interferon alfa 2B pë një trajtim për koronavirusin, sipas Granma, gazeta zyrtare e qeverisë Kubane.
Presidenti kuban Miguel Díaz-Canel konfirmoi në Twitter se ilaçi po përdoret në gjigantin aziatik dhe shprehu mbështetjen e qeverisë së tij për autoritetet kineze “në përpjekjet e tyre për të luftuar koronavirusin”.
Ilaçi, i prodhuar nga Qendra për Inxhinieri Gjenetike dhe Bioteknologji, është përdorur për të luftuar infeksionet virale të shkaktuara nga Virusi i Imunitetit të Njeriut (HIV), hepatiti B dhe C, dhe Papillomatoza e frymëmarrjes.
Kina zgjodhi antiviralin kuban, së bashku me 30 të tjerë për të trajtuar pacientët me koronavirus.
Luis Herrera Martínez, një këshilltar shkencor dhe tregtar i Presidentit të BioCubaFarma, pohoi se ilaçi “ka avantazhin se në situata si këto është një mekanizëm për të mbrojtur veten, përdorimi i tij parandalon mundësinë e përkeqësimit dhe të komplikimeve te pacientët, në arritjen e fazës, që çon në vdekjen e tyre”.
Një fabrikë në provincën Jilin të Kinës filloi prodhimin e ilaçit falë një teknologjie të transferuar nga ana Kubane.
“Komisioni Kinez i Shëndetit ka zgjedhur produktin tonë midis atyre që përdoren në luftën kundër koronavirusëve”, konfirmoi Presidenca Kubane në llogarinë e saj në Tëitter.
Italia ka kërkuar praninë e mjekëve kubanë dhe përdorimin e këtij ilaçi. Interferoni përdoret gjithashtu nga Spanja kundër Coronavirus.
Interferon-beta, një ilaç me origjinë kubane, është duke u përdorur së bashku me ilaçet që lidhen me trajtimin e HIV / AIDS, në Spitalin Virgen del Rocío në Seville për të trajtuar me sukses rastet e infeksionit të regjistruar në Spanjë.
Ilaçi kuban që ka qenë kaq i suksesshëm në Kinë, dhe që vazhdon të përdoret nga të gjitha vendet në mbarë botën që tashmë janë parë të prekur nga kjo epidemi e mundshme që Organizata Botërore e Shëndetit e përshkroi tashmë si një rrezik “shumë të lartë” globalisht.
Sipas mjekëve në Seville, interferoni beta ka një mekanizëm të ndryshëm veprimi sesa dy të tjerët që ata përdorin, por është po aq efektiv.
Ilaçi kuban është një proteinë që shfaqet natyrshëm në qelizat njerëzore kur infektohen nga një virus.
“Qëllimi është të paralajmërojmë qelizat e tjera, të cilat kështu zhvillojnë rezistencë më të madhe ndaj infeksionit,” thanë mjekët në Spanjë.
Disa spitale në Wuhan kanë përdorur gjithashtu trajtimin e përdorur në Virgen del Rocío, dhe ai ka qenë pozitiv, megjithëse besueshmëria e tij është e dobët, kështu që kurimi duhet të vazhdojë të kërkohet.
Përdorimi i tij rekomandohet kur ka sëmundje serioze ose kërcënuese për jetën, siç është Coronavirus. Por Spanja, nuk ka qenë i vetmi vend që është në kërkim të ilaçit Kuban.
Me ardhjen në Meksikë të Coronavirus, kërkimet për Interferonin u rritën, pasi treguan efektet e saj pozitive në jetën e qindra njerëzve në Kinë.
Interferoni dihet se ka shëruar më shumë se 1.500 pacientë me koronavirus dhe është ndër ilaçet e zgjedhur për OBSH.
