Kryeministri Edi Rama ka ironizuar kreun demokrat, Lulzim Basha, i cili sot paralajmëroi denoncimin e fakteve skandaloze mbi dhënien nga qeveria të 52 mln eurove për ato që i quan klientë dhe miq.
Basha gjithashtu ka bërë të njohura propozimet e opozitës për përballimin e krizës si pasojë e koronavirusit.
“Plani 7×7=42 është zgjuar sot me rritje të shifrave!
Deri kur të mbarojë lufta shifrat do kapin nivelin e një vendi të G7-ës!
Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurencë e pandershme nga 7×7=42!”, shkruan Rama.
Propozimet e PD
Për të vetëpunësuarit në biznesin e vogel, qeveria tju paguajë 300 Euro për çdo muaj që biznesi qëndron mbyllur.
Kostoja e kësaj mase shkon nga 20 – 25 milionë Euro/muaj.
Për punonjësit në bizneset fasonë, call centers, dhe operatorë turistikë
që janë të detyruar të rrinë në shtëpi:
• Qeveria duhet të mbulojë të paktën pagën minimale kur ata nuk mund të paguhen fare.
• Për ata që ua paguajnë pagën, kostoja e pagës të llogaritet si shpenzim i zbritshëm në masën 200% të këtij shpenzimi.
Kostoja e kësaj mase nga 25 milionë deri 30 milionë Euro/muaj.
Këto janë shpenzime plotësisht të përballueshme për buxhetin kur vetëm një kilometër rrugë e tenderuar kushton 20 milionë dollarë si tek Astiri.
