Sipas mediave italiane, Juventus mund t’i ofrojë Chelseat mundësinë e një shkëmbimi të bujshëm lojtarësh. Bëhet fjalë për Miralem Pjanic dhe të preferuarin e Sarrit, Jorginho.
Sipas “Calciomercato”, një zgjidhje që dy lojtarët të ndryshojnë skuadrat mund të gjendet, me Jorginhon që do të ribashkohej me Sarrin në Itali, ndërsa boshnjaku Pjaniç do të vihej nën urdhrat e Frank Lampard.
Pjanic papritur duket se nuk preferohet më nga Sarri dhe në fitoren 2-0 që Juventusi mori ndaj Interit, ai nuk ishte titullar ndërsa bardhezinjtë shkëlqyen, duke e vënë kështu pozitën e tij në klub në dyshim. Ndërsa nga ana tjetër Jorginho duke qenë se shkëlqeu me Sarrin te Chelsea, me siguri nuk do të ishte kundër kësaj lëvizjeje.
