Ylli Manjani, ish-ministër i Drejtësisë, ka reaguar ndaj masave të Qeverisë, që ndalojnë edhe qarkullimin e këmbësorëve pas orës 18:00.
“Rroftë armiku COVID 19, që të nxjerrë të gjithë helmin e magazinuar në tru e tëmth, që ky njeri ka ndaj lirisë, pasurisë dhe të drejtave të çdo njeriu!”, ironizon Manjani, masën e parashikuar në Aktin e Qeverisë.
Ish-ministri në vijim shkruan “ndërkohë Europa, boll të rrepta i ka masat ndaluese, por jo të çmendura. (Për të gjithë ata që na hapën barkun duke krahasuar eksperimentin tonë me masat në europë)”
“Por ka prap ka të tjera çmenduri… Ka shumë helm të akumuluar dhe tani, në fund të mandatit do ta nxjerrë. Rroftë sebepi!”, shkruan Manjani.
Postimi nga Ylli Manjani
Siç e paralajmërova 3 ditë më parë, ja ku është mrekullia tjetër ligjore!
Mirë që ndalon lëvizjen e njerëzve, por ndalon edhe makinat e tyre të rrinë në garazh/parking. Jua bllokon, pavarësisht se makina nuk është në përdorim.
Shpikje, jo.
Eksperiment njerëzor, po.
Rroftë armiku COVID 19, që të nxjerrë të gjithë helmin e magazinuar në tru e tëmth, që ky njeri ka ndaj lirisë, pasurisë dhe të drejtave të çdo njeriu!
Si thoshte për Saliun? “I bie veglave muzikore me vesh”… hahahahahahahaha.
Fiks këtë gjë po bën vetë.
I bie ky të njëjtave vegla me vesh e me lesh. Budallëk i madh!
Ndërkohë europa, boll të rrepta i ka masat ndaluese, por jo të çmendura. (Për të gjithë ata që na hapën barkun duke krahasuar eksperimentin tonë me masat në europë)
Por ka prap ka të tjera çmenduri… Ka shumë helm të akumuluar dhe tani, në fund të mandatit do ta nxjerrë. Rroftë sebepi!
Mjer ato nënpunës që do t’u kërkohet t’i zbatojnë këto eksperimente të çmendura!
