Man.United i rinovon kontratën “gjigandit” të mesfushës

Manchester Unitedi ka vendosur që të vazhdojë bashkëpunimin me mesfushorin Nemanja Matiç. Palët kanë arritur një marrëveshje Matiç edhe për një sezon tjetër, duke u siguruar që ai të mbetet në klub të paktën deri në verën e vitit 2021.

31-vjeçarit serb, kontrata do t’i përfundonte në qershor të këtij viti, mirëpo klubi anglez e ka aktivizuar klauzolën në kontratën e lojtarët që ia zgjat atij qëndrimin në “Old Trafford” edhe për një vit tjetër.

LEXO EDHE  Sulmuesi shqiptar firmos kontratë 3 vjeçare me Interin

Me Paul Pogba dhe Scott McTominay të dëmtuar për shumicën e sezonit, mesfushori shtatlartë mori përgjegjësi dhe ndihmoi në shumë raste skuadrën e tij, të shkurtojë distancën me Chelsean në vend të katërt.

Matiç ka bërë gjithsej 22 paraqitje për Manchester Unitedin këtë sezon, ndërsa ka munguar në disa ndeshje për shkak dëmtimi.