“Lavdi Zotit, pas pesë ditësh, gjendja e djalit paraqitet mirë!” Mjaftojnë këto fjalë të Luan Sulejmanit, një shqiptari në Itali, për të zgjuar optimizëm dhe shpresë në këto ditë të zymta epidemi.
Foshnja 4-muajshe e Sulejmanit u infektua me koronavirus dhe ishte ndër të parat në këtë shtet. Babai nga Codogno e Italisë rrëfeu foli në Skype për A2News hollësi të një historie që ngjeth.
“Ai kishte temperaturë të lartë gjatë kohës që po ushqehej. Menduan se kishte ftohje. Temperatura ishte nga 38.5 deri në 39.5. Ambulanca erdhi pas 8 orësh dhe pasi i bëmë tamponin rezultoi se ishte me koronavirus.
Jetojmë në të njëjtin pallat ku ka rezultuar edhe pacienti 1.
Pas 5 ditësh në spital, djali tashmë është më mirë, nuk ka temperaturë as diarre. As pjesëtarët e tjetër të familjes nuk kanë pasur simptoma. Por për fat të keq nuk na e kanë bërë tamponin, pasi nuk kemi simptoma. Ne e kemi kërkuar, por nuk kanë pranuar”, u shpreh Luan Sulejmani.
