Kryeministri Edi Rama ka pranuar një nga propozimet që ka bërë një ditë më parë kreu demokrat, Lulzim Basha.
Dje kryetari i PD, Lulzim Basha, i kërkoi Qeverisë që t´u sigurojë mundësinë pensionistëve që të furnizohen me ushqime dhe ilaçe, pasi janë më të rrezikuarit nga koronavirusi.
Rama në reagim e tij të parë e konsideroi paketën e propozuar nga Basha si Lule Corona, më pas tha se ajo ishte një maskarallëk.
Por duket se sot ka reflektuar, ndoshta vetëkarantinimi ka bërë punën e tij.
Në një postim në rrjet, Rama njofton se pensionistët kryefamiljarë në qytete duhet të shërbehen me vajtje-ardhjet për shpezat ushqimore dhe farmaceutike nga fëmijët e tyre.
Ata që nuk i kanë fëmijët në të njëjtin qytet, do të shërbehen nga shteti përmes skuadrave të përbashkëta të bashkive dhe qeverisë.
Të gjitha bashkitë janë në punë për planin e mbështetjes në shtëpi të pensionistëve kryefamiljarë në çdo qytet.
