Ish-deputetja e PD-së, Dhurata Çupi, ka publikuar në rrjetet sociale historinë e një qytetari që mbledh kanaçe në Bulqizë dhe që nuk rri dot në karantinë se i duhet të sigurojë bukën e fëmijëve.
Çupi shprehet se alternativa e Ramës për më të varfrit, uria ose rreziku nga infektimi.
Ajo apelon për hartimin urgjentisht të një paketë ndihme ekonomike dhe sociale për qytetarët nga qeveria siç propozon PD.
“Sabiti jeton në Bulqizë duke mbledhur kanaçe tek mbetjet ushqimore në Qafë Buall. Ai e ka të pamundur, në kuptimin e plotë të fjalës, të qendrojë në karantinë, sepse i duhet të zgjedhë mes mundësisë për të mos u infektuar dhe urisë së sigurtë të fëmijëve.
Dita kur ai nuk do të dalë të mbledhë kanaçe për të fituar 3 mijë lekë të vjetra në ditë, do të jetë dita e urisë për familjen.
Fatkeqësisht, familjet si ajo e Sabitit, janë me mijëra në Shqipëri. Ndryshe nga sa predikon kryeministri, ata as nuk bëjnë dot joga, as nuk kanë luksin të ushqehen dot 2 herë në ditë.
Duke mos marrë asnjë masë që i ndihmon ata, qeveria i ka lënë më të varfrit të përballen vetëm me 2 alternativa: me koronavirusin ose me urinë”, shprehet Çupi.
