Ish-ministri i Drejtësisë, Ylli Manjani, ka ironizuar deklaratat e Kryeministrit Edi Rama, i cili në ditët e fundit ka sulmuar opozitën dhe mediat, lidhur me raportimet apo denoncimet mbi masat e qeverisë për përballimin e pandemisë së koronavirusit.
“Bashkë me mbylljen në shtëpi, qeveria kërkon mbylljen e mendjes dhe veçanërisht gojës”, shkruan Manjani, duke shtuar “e thonë pastaj që s’dalin ëndrrat!!”.
Shqipëria është një nga vendet e prekura nga Covid 19, ku deri më tani janë regjistruar 15 raste, 4 prej të cilëve ndodhen të shtruar në spitalin Infektiv në QSUT, dhe pjesa tjetër tv vetëkarantinuar. Një e moshuar humbi jetën mesditën e djeshme në Durrës, por pacietja vuante nga një seri sëmundjesh.
Gjithashtu mbi 104 personave të tjerë u është kërkuar të vetëkarantinohen, për shkak se kanë ardhur në Shqipëri nga Italia, apo se kanë pasur kontakte me atë që konsiderohet pacienti “0” në Shqipëri.
