Coronavirusi ka krijuar një kaos të plotë dhe futbolli tashmë është krejtësisht në plan të dytë. Shumë ndeshje janë shtyrë, ndërsa disa të tjera luhen pa tifozë.
Në Champions League, shumica e ndeshjeve të fazës së 1/8-ve do të luhen pa praninë e tifozëve, ku deri më tani janë konfirmuar zyrtarisht Valencia-Atalanta, PSG-Dortmund, Barcelona-Napoli dhe Juventus-Lyon, ndërsa ndeshja e fundit që konfirmohet pa praninë e tifozëve është ajo mes Bayern-it dhe Chelseat.
Ndeshjet që do të luhen me tifozë janë Leipzig-Tottenham, Liverpool-Atletico Madrid dhe Manchester City-Real.
Ndeshja zhvillohet të mërkurën e ardhshme në datën 18 mars, ndërsa ky kufizim i tifozëve nuk është se do të jetë shumë problematik për bavarezët duke qenë se ndeshjen e parë në “Stamford Bridge” e kanë fituar me rezultatin 0-3.
